美斯谦:PSG抢榜首丧攻昂热
美斯谦:PSG抢榜首丧攻昂热日期:2016-11-30 17:25:10

 

法甲今晚开快车,由巴黎圣日耳门PSG喺主场对昂热。PSG现时喺法甲积分榜排第3,落后榜首嘅尼斯1分,如果想成功衞冕联赛冠军,嚟紧嘅赛事绝对不容有失。昂热现时排第10,球队近两场联赛都赢唔到,今仗作客PSG相信都係等劏,PSG让球主客和让2球,照捧2.38倍「让主」!

(TVB 303周四凌晨4时直播)

PSG喺欧联分组赛已经提早出线,球队现时可以专心应付本土赛事,近4场联赛全胜且攻入9球,阵中射手卡云尼喺呢4场入咗4球,状态非常好。虽然PSG两位阿根廷中场柏斯托尼同迪马利亚今仗上阵成疑,但球队仍有卢卡斯洛迪古斯、马高华拉堤等好手在阵,要入波绝非难事。昂热近期表现反覆,近两场联赛都赢唔到,而且作客表现亦未如理想,今仗更有中坚安德奥累积满黄牌停赛,加上前锋杰基奥方科尼同门将列迪利亚仍然倦勤,喺兵微将寡下造访志切抢回榜首位置嘅PSG,睇怕凶多吉少。

尼斯冇态吼半和

至于榜首嘅尼斯会作客甘冈,尼斯现时仅以1分领先次席嘅摩纳哥同第3嘅PSG,呢队波近态麻麻,近5仗只得1胜1和3负嘅成绩,加上主力射手巴洛迪利有伤上阵成疑,面对近5仗和咗4场嘅甘冈,未必咁易咬得入。甘冈今仗有守将伊高高及勒梅特因伤倦勤,相信会踢得更保守,一于推介半场和。
(TVB 303周四凌晨2时直播)