法达斯维:皇马让得辣捧对家
法达斯维:皇马让得辣捧对家日期:2016-11-30 17:25:22

 

领先丙组仔6粒 留力砌打吡

今晚续有多场西盃第4圈赛事,两大班霸皇马及巴塞分途出击对丙组仔,「银河舰队」皇马于次回合主场迎战利安尼沙,巴塞则喺首回合作客靴高斯,两军王牌C朗同美斯都有伤,加上嚟紧周末双方就会合演国家打吡,今仗随时勒住,皇马首回合已遥遥领先6粒,今仗唔使去咁尽,让球主客和仲要让3球咁辣,梗係转捧利安尼沙2.1倍「让球客胜」。

(周四凌晨2时开赛)

皇马日前联赛小胜希杭2比1,梅开二度嘅C朗完场嗰阵拐下拐下离场,儘管寻日有份参加训练,但主帅施丹为免国家打吡前有乜闪失,今仗西盃再斗丙组仔利安尼沙,收起呢位王牌唔奇。

由于皇马下月要出战世冠盃,因此西盃第4圈首回合提早喺10月尾踢咗,睇番佢哋首回合个阵容,施丹都係派卢卡斯华斯基斯、拿祖费南迪斯及已沦为后备嘅占士洛迪古斯落场,都照炒7比1晋级在望,今仗随时有保留,斯维认为「银河舰队」顶尽赢1至2粒等收工,一于撑利安尼沙「让球客胜」。

美斯受伤巴塞献「细」

至于巴塞则喺首回合造访丙组仔靴高斯,始终国家打吡大过天,西班牙传媒预料主帅安历基今仗会派出全副选上阵,例如新加盟后一直忘带射门鞋嘅柏高艾卡沙,呢位前华伦西亚射手同巴塞好似八字唔夹咁,搵佢担大旗唔多老利。巴塞日前喺联赛逼和皇家苏斯达1比1,完场前王牌美斯被对手扫跌导致有轻伤,寻日都冇跟球队操练,只係独自喺健身室训练,安历基为安全起见,今仗唔用美斯亦无可厚非,加上巴塞近4次对靴高斯,每仗总入球最多3球,今场入球大细中位数3.5球,玩1.92倍细盘好过。

(周四清晨5时开赛)