法达斯维:韦碧克复出带兵 丧砌普雷斯顿
法达斯维:韦碧克复出带兵 丧砌普雷斯顿日期:2017-1-7 19:14:01

 

今晚足总盃压轴尾场,由阿仙奴作客英冠仔普雷斯顿。虽然「兵工厂」呢场阵容不整,阿历斯山齐士(A山)等主力亦好大机会获得休息,但啱啱好番嘅「韦大帝」韦碧克应会担大旗,抖咗咁耐係时候要争取表现,撞正弱队仲唔骚哥利咩?一于捧2.02倍嘅让球客胜。
(LeSports HK 应用程式周日凌晨1时30分直播)

争取表现博抢位

经过频密嘅圣诞新年快车赛期,嚟到足总盃遇低组别球队,好多英超球队都会作出轮换,畀班主力抖吓,好似阿仙奴王牌阿历斯山齐士,出晒名场场搏到尽,主帅云格今仗好大机会畀佢休息,连同有伤病嘅奥斯尔、高基连、哥斯尼及要踢非国盃嘅艾利尼,阵容颇为不整。好彩前锋韦碧克已喺年尾伤愈复操,云格都话佢进展良好,预计喺呢场强度冇咁高嘅赛事会畀佢热吓身,「韦大帝」自上年5月抖到依家,期间A山、基奥特、禾确特及卢卡斯佩雷斯轮流发威,个个都咁弗,佢话唔担心冇位踢就假喇,唔趁住今仗对弱旅普雷斯顿争取表现,仲等几时?加上普雷斯顿前锋碧福特要坐波监,想还击都冇力,阿仙奴要轻取对手唔难,让球客胜咪错过。