Yennie:史谭倒戈翻陈年恩怨 曼联扫雷冇手软
Yennie:史谭倒戈翻陈年恩怨 曼联扫雷冇手软日期:2017-1-7 19:14:28

 

今晚英格兰足总盃续上演第3圈比赛,焦点係衞冕嘅曼联于奥脱福出战旧将史谭领军嘅雷丁,当中更牵涉一段陈年恩怨!曼联喺联赛6连胜係威係势,今晚于足总盃对住实力次一皮嘅雷丁,相信可延续近期强势,让球盘开到让球半/两球咁辣都无有怕,Yennie推介1.72倍嘅曼联上盘。

(LeSports HK应用程式周六晚8时30分直播)

红魔联赛6连胜弗到震

曼联最近状态弗到漏,联赛豪取6连胜一口气拎咗18分,同前4只有3分嘅距离,搞到领队莫连奴开心到同班球员发出「爱的宣言」!莫帅话非常锺意呢班手足,更大讚佢哋都係好人,享受同佢哋并肩作战,更豪言加盟红魔嘅最大挑战,就係要协助球队去番佢哋所属嘅位置,重振声威!曼联除咗联赛6连胜外,更喺各项比赛保持13场不败,亦係自费格逊领军年代以嚟嘅第一次!王牌伊巴谦莫域上仗联赛对韦斯咸入波之后,加盟红魔已经入咗18球,超越上季首席射手安东尼马迪尔射入嘅17球,认真厉害!曼联依家士气咁劲,等閒对手真係见到都惊。

史谭唔想再提费格逊

雷丁现时由前红魔名将史谭领军,呢位43岁荷兰人曾经协助过红魔拎咗3次英超、1次欧联同1次足总盃,今次倒戈相信百般滋味在心头。赛前有传媒问佢重返奥脱福有咩感觉,史谭似乎觉得呢个话题好烦,仲拒绝答任何有关费格逊嘅嘢:「我已经厌倦呢个问题,谈论费爵爷都係,我估曼联都成日畀呢个问题烦住,重返奥脱福唔係咩情感崩裂嘅事,到时我应该唔会喊。」查实史谭当时因为批评费爵爷同队友,尤其不满费Sir当球员係一旧肉咁,完全由佢支配,唔接受唔同意见,2001年被卖猪仔到拉素,至此职业生涯一沉不起,时至今日都未嬲完费爵爷,虽则后者喺自传公开承认过卖错佢。雷丁现时喺英冠排第3,相信今季首要目标係升上英超,盃赛未必咁睇重,曼联让到球半/两球,摆明充满信心,上盘有计!