世预赛:进军俄罗斯最后衝刺 英德今夜提早订机票
世预赛:进军俄罗斯最后衝刺 英德今夜提早订机票日期:2017-10-5 12:59:19
世界盃外围赛来到最后衝刺时刻,列强为争出线搏老命,欧洲区今晚有望诞生多3支出线球队,最受瞩目当系英格兰同德国!F组英格兰只要主场击败斯洛文尼亚就搞掂,而C组德国作客打和北爱尔兰,即可出线,更加冇难度。E组波兰如果作客赢到阿美尼亚,加上同组黑山同丹麦打和,就可过关。到底呢3队系咪咁顺利可以提早订机票去俄罗斯,大家拭目以待。

哈利仔当红 英格兰降斯

世界盃外围赛欧洲区终极衝刺今日展开,重头戏有英格兰主场迎战斯洛文尼亚。「三狮军团」目前喺F组形势大好,今仗只要赢波即可以提早出线。英格兰喺主场出战世盃外成绩彪炳,王牌前锋哈利卡尼近3仗赛事连省7球状态巅峰,英格兰有望大胜锁定出线资格,让球主客和英格兰让一球,捧让球主胜。

英格兰喺国际大赛经常被批评「雷声大、雨点小」,不过佢的喺压力唔大嘅外围赛就经常有好成绩,2016年欧国盃外围赛就曾造出10战全胜,今届世盃外亦以6胜2和不败佳绩稳佔榜首,今仗赢波即可晋级,即使和波失分,只要斯洛伐克对苏格兰未能分出胜负亦可以出线,呢场冇乜压力嘅赛事,正正系英格兰发威好机会。

主场够炒斯洛文尼亚

自从朗尼退出国家队后,近期状态大勇嘅哈利卡尼已成王牌前锋,配合拉舒福特、史达宁等当打同活力十足嘅球员攻坚,全队生气勃勃,喺主场球迷打气下更加醒神,近8仗世盃外主场有7次赢对手2球或以上,今仗面对实力平平嘅斯洛文尼亚,为争出线为免夜长梦多必全力抢攻,让球主胜抵玩。

和北爱都掂 德国细盘稳

至于C组爆发榜首大战,由榜首嘅德国作客「2哥」北爱尔兰。卫冕嘅德国距离杀入世盃决赛周只差一步,今仗和波已可取得入场券,唔使急于抢W,射手迪姆华拿又临时因伤退队,火力大减,加上近2次面对防守硬淨嘅北爱总入球皆开2球或以下,喺确保首名出线大过天嘅情况下,今仗必定先求稳阵,捧中位数2.5球嘅入球细更划算。

先讲讲C组形势,德国现时喺剩低2轮情况下,领先北爱5分,所以今仗只要唔输,就肯定力压北爱获首名直接出线资格,毋须搏尽抢W,先求稳阵反而更重要,而且上位射手迪姆华拿,因颈椎肌肉受伤临时退队,呢位RB莱比锡前锋为德国披甲8次入6粒,主帅勒夫又讲到明唔会补选其他前锋入伍,火力大减。

北爱擅长施「守」术

另一边厢,笃定获C组次名嘅北爱,亦好大机会成为8支最佳次名出战附加赛,因此双方今仗心态比较轻鬆,赢输都冇乜所谓。翻查纪录,近2次交手德国全部获胜,兼且全开2球或以下,包括首循环小胜2比0,咁岩呢2球就系北爱喺今届世盃外嘅总失球,防线固若金汤,既然「日耳曼兵团」唔使急于抢攻,面对擅施「守」术嘅北爱,唔慌多波入喇,一于捧入球细。