英超:曼城阿仙奴不胜无归
英超:曼城阿仙奴不胜无归日期:2017-11-26 13:02:45
分途开餐 有辣有唔辣

周日英超双雄分途作客出击,其中压轴战一哥曼城出征哈特斯菲尔德。曼城英超一路高歌猛进,12轮战罢只系失过2分高踞榜首,锋力旺盛,对手哈特斯菲尔德联赛上仗面对攻力一般嘅般尼茅夫,都要惨吞4蛋如不设防,试问又如何抵挡得住曼城一班进攻好手?呢场曼城让2球实在太仁慈,让球客胜值博。

蓝月亮炒起哈特斯菲尔德

作为同城劲敌兼联赛主要竞争者,莫连奴执教嘅曼联喺联赛苦苦追赶,都被曼城抛离成8分,寸王嘅踢法仲要被嫌太保守不得人心,畀曼联名宿「奥脱福大帝」简东拿奚落,相反曼城今季战绩彪炳之馀,仲踢得够晒精彩畀睇波球迷过足瘾,多得哥迪奥拿嘅地面渗透战术,畀一班曼城进攻好手发挥到淋漓尽致,睇番联赛射手榜前10位,有4名都系曼城球员就知佢的几入得波。「蓝月亮」上场欧联包括大卫施华、费兰甸奴同利莱辛尼等主力齐齐抖到足,有望全力迎战。对手哈特斯菲尔德今季主场就曾经畀热刺大炒4蛋,联赛上仗再以同样比数大败畀般尼茅夫,可见球队实力有限,上季喺足总盃仲试过1比5遭曼城血洗,呢场让球客胜系不二之选。

兵工厂作客般尼吼让球和

另一支英超劲旅阿仙奴喺较早时间先作客般尼。「兵工厂」欧霸早早出线,一班主力上仗作客科隆齐齐有得抖,不过今季英超客战表现实在令人不敢恭维,作客至今赢得1场仲输左4仗,呢场「兵工厂」牌面上虽然有优势,不过面对主场够硬淨,兼有神奇教头戴治领军嘅般尼,阿仙奴唔似有本钱大胜,两队近4次交手阿仙奴系就系赢晒,不过都只系以1球之差小胜,呢场「兵工厂」再次让1球,当然追捧让球和。