西甲:基达菲受让过关佳品
西甲:基达菲受让过关佳品日期:2017-11-27 12:39:38
周一闷闷的唔使惊,等我阿King醒番啲激笋贴士畀大家。西甲压轴战,爱斯宾奴主场面对基达菲,基达菲客战表现唔失礼,加上球队近期联赛表现上力,作客爱斯宾奴偷鸡话咁易,受让肯定拣让球客胜。仲有莫斯科斯巴达大盘同沙兰迪兵工厂细盘,3串1过关有5.03倍博得过。

今季西甲新升班嘅几支球队都几争气,表现够醒神,呢场作客嘅基达菲就系其中之一,球队联赛近3仗不败之馀,仲赢左2场,上仗更大胜艾拉维斯4比1,全队士气处于高峰,尤其多得前锋安祖路尔斯呢排够晒弗,近3仗入3球,效率有番咁上下。反观爱斯宾奴上仗赔了夫人又折兵,联赛惨吞2蛋输波之馀,仲整伤埋主力前锋巴迪斯达奥,今仗冇本钱让波,捧让球客胜好过。

串斯巴达大沙兰迪细

另外仲有场俄超大战,莫斯科斯巴达主场面对辛尼特,莫斯科斯巴达踢法进取联赛近3仗全开4球或以上,首循环交手畀辛尼特大炒1比5,呢场再演入球骚唔出奇;最后阿甲沙兰迪兵工厂近4仗主场全开2球或以下,今场喺番主场面对同样入球乏力嘅泰拿尼斯,唔似会多波入,捧细盘