澳洲甲:阿联再斗悉尼有仇报仇
澳洲甲:阿联再斗悉尼有仇报仇日期:2017-12-1 12:23:57
又嚟到星期五澳职嘅时间!今日戏码依然强劲,将会上演澳洲足总盃决赛翻版戏码,由阿德莱德联主场迎战FC悉尼。两队喺上星期决赛激战百二分钟,仲要踢到加时先至分出高下,但唔好忘记,上场比赛系阿联作客去到悉尼,今日返主场出战,复仇味浓,「阿联」受让之下我一于揽下盘。

近8次主场交手仅1败

「阿联」近期状态唔错,先系作客到中岸水手,佢的全场反客为主压住对方嚟踢,顺利凯旋而归。继后喺足总盃决赛,同FC悉尼五五波,90分钟打和。跟住上仗返主场,喺射门次数15对7嘅大比数之下赢埋西悉尼流浪者,证明班波真系唔差。阵容方面,除左马朗尼停赛之外,其他人脚都齐章,今日仲有中场云斯利亚、后防干斯坦度普路斯复出,兵源调动充裕,加上球队近8次主场对FC悉尼只输过1次,今日有力顶住。

至于FC悉尼,今日后防米高苏路同中场主力连高域要带伤上阵,后备前锋麦西蒙亦停赛。今季呢班波防守真系冇以往咁稳阵,8场联赛之中有5场都失波,作客水准亦冇以往咁稳定,加上近期征战频密,今日作客仲要让波,难免令人有啲担心!