英超:曼市双雄分途捱细界
英超:曼市双雄分途捱细界日期:2017-12-13 12:15:29
砌完打吡疲兵迎快车

今晚英超续演快车,曼城同曼联分途出击,面对牌面较弱球队,但英超中下游球队体力化踢法向来难应付,加上「曼市双雄」刚喺打吡激战完,未及回气下想大炒有难度,曼城作客史云斯及曼联主场对般尼茅夫,两场同吼细盘!
蓝月亮遇铁桶阵头云

「1哥」曼城作客尾2嘅史云斯,实力睇落悬殊,但「蓝月亮」近期遇弱反而赢得惊险,上月尾至今月头,喺联赛接连出战哈特斯菲尔德、修咸顿及韦斯咸,都系喺末段绝杀对手,今仗未必可轻鬆笃破史云斯嘅铁桶阵。史云斯今晚必囤重兵死守,佢的近6仗联赛全开3球或以下,今仗中位数3.5球细盘有1.59倍咪错过。

红魔哑火折茅冇咁易

至于迟少少出场嘅曼联主场对般尼茅夫,红魔上仗打吡被破主场不败身,士气受创,况且佢的锋力欠锐,卢卡古有几颓大家都知,保罗普巴继续停赛,两大创造力强嘅中场桑马达同米希达利恩唔受重用,曼联入波板斧真系唔多。
般尼茅夫近期防线回稳,近6仗联赛仅1败兼只失5球,就算对住热刺及车路士等劲旅都系仅输0比1,防守力可靠,今晚作客奥脱福唔容易被击破,2.5球细盘有2.25倍好分头,抵捧!