欧冠:曼联主场大驳火
欧冠:曼联主场大驳火日期:2017-12-5 12:46:09
中央陆军焗攻求出线

欧联分组赛最后一轮今晚展开,多组出线形势明朗,好似A组榜首曼联虽然数字上未出线,但佢的今晚主场迎战莫斯科中央陆军,只要唔输7球就可以晋级,今仗可轻鬆上阵;中央陆军争出线急需抢分,去到奥脱福球场都要焗攻,「红魔鬼」反击力属世界级,预期会系精彩驳火,中位数2.5球嘅大盘有1.77倍咪错过!

目前A组形势曼联以12分排榜首,巴素利同莫斯科中央陆军同得9分,但系中央陆军因对赛成绩唔及巴素利屈居第3,意味呢支俄超劲旅,今轮必定要比巴素利拎到更多分数先可以晋级,无退路下焗住要全力抢攻攞分,再寄望巴素利失分,呢个局面亦系曼联乐见。

副选红魔搏表现必砌

曼联今仗只要唔输7球就可以晋级,基本上同出左线冇分别。佢的喺上轮英超赢阿仙奴一仗,展现极为厉害嘅反击力,虽然嚟紧英超要同曼城踢榜首打吡战,今仗可能畀部分主力休息,不过「红魔鬼」前线人才济济,重伤初愈后已经4次后备上阵嘅伊巴谦莫域,一直等紧担正机会,近期入雪柜嘅桑马达及米希达利恩等亦想证明自己,落场肯定会施展混身解数,火力唔使担忧。

莫斯科中央陆军每逢欧联分组赛客场出击,踢法都系「有前冇后」,近6仗分组赛作客获2胜1和3负,但总入球数全开3球或以上,遇上行军迅速嘅曼联,中位数2.5球嘅大盘好路。