阿King:海湾者受让过关佳品
阿King:海湾者受让过关佳品日期:2017-6-25 18:26:31
今日虽然有唔少好波,但讲到笋盘,King最有心水系听朝美职独脚戏,由波特兰伐木者主场对西雅图海湾者。伐木者唔单止连输3场,仲伤兵一大箩,就算有地利亦不宜高估,海湾者今仗有力全身而退,受让必捧让球客胜。

丹普西撑住唔赦伐木者

波特兰伐木者近期行紧衰运,联赛连盃赛竟然录得3连败,包括上周中快车作客以2比3不敌西岸弱旅明尼苏达联,嗰场波仲有主力10号仔施巴斯坦白兰高做「红牌阿姑」,今仗要坐波监。祸不单行,伐木者一直饱受伤兵困扰,迈亚斯、积班比、麦托斯、莱尔米拿、列治维等仍未好番,个阵咁残唔多靠得住喎。另边厢,海湾者虽然作客唔肋,但胜在冇乜伤兵,有美国国脚丹普西助阵可稳定军心,加上近5次交手,海湾者录得3胜1和仅1败,仲有得受让咁笋,让球客胜咪错过。

串甘美奥胜小保加让主

至於巴甲上演榜首大战,由「2哥」甘美奥主场迎战「1哥」哥连泰斯,两军开咧后均表现弗爆,不过甘美奥连盃赛在内主场7连胜,况且近6次喺自己地头对住哥连泰斯赢5次,格食格下主胜捧得过。最后阿甲煞科,新鲜出炉嘅冠军小保加主场对圣达菲联,小保加返回「糖果盒」开夺冠派对,必大踢性感足球娱宾,圣达菲联无谓扫人兴,一於捧让球主胜。