九叔:全北大邱搏槌大混战
九叔:全北大邱搏槌大混战日期:2017-6-25 18:28:13
崔帅「主场必攻」唔系吹水

全北汽车主帅崔康熙嘅带波座右铭系「主场一定要赢」,今日佢的喺韩职主场对FC大邱,开出1.32倍热爆主W冇难度,问题系大邱呢期回勇,有能力反噬,博1.65倍入球大仲有着数。

崔康熙向来认為想争联赛冠军,主场要必胜之餘,进攻比任何战术、策略更加重要,所以全北素来主场胜率甚高,今季為例就高达75个巴仙,唯一未符崔帅理念只系入球偏少,呢季9场主场有5场开2球或以下嘅入球细。不过,开细多唔能够单怪全北,因為其他对手去到全州作客冇法子入到波,全北自然能够赢就收油。今场可能会唔同,首先系全北锋将列卡度卢比斯伤愈,配合艾达雷斯、干卡维斯两个巴西老友,可以激发起李在成、李承琪呢两个铁血中场,何况仲有「狮子王」李东国随时候命,即使老大哥金甫炅确认下个月离队加盟日职柏雷素尔,今场未必冒险披甲,系出都未必踢足,但依然够料打爆往绩输晒嘅尾三球队大邱。

大邱森巴3剑客猛火

再者大邱实力唔差,只系衰在4月起爆发伤兵潮,搞到4、5月10战得2胜1和7负,近3场波主力相继复出,取得1胜2和,表现终於稳定落嚟。大邱虽然同巴西中场洛迪高苏沙解左约,但系锋线「森巴3剑客」伊云度包列斯达(5球)、里奥明尼路(5球)、施仙夏(3球)把握力唔弱,15轮联赛夹手夹脚入左13球,尤其系前一轮对光州至复出嘅施仙夏,喺场波製造唔少埋门威胁,踢到识飞咁滞,全北班后卫未必守得住唔失波,今场玩入球大岩数。