英超:朗尼回巢第一击爱华顿攻城
英超:朗尼回巢第一击爱华顿攻城日期:2017-8-12 15:18:51
上季以第7名完成嘅爱华顿将坐镇葛迪逊公园球场迎战上季第13嘅史笃城,今场好有可能系朗尼回巢后第一次为爱华顿上阵英超,可谓别具意义,一班球员实落足力取胜务求为佢洗尘。反观史笃城喺多名主力离队之馀仲青黄不接,应该都好难喺客场抢分,捧主胜。

其实爱华顿喺季前都流失左唔少球员,包括迪路菲奥同上季包办全队三分一入球嘅王牌射手卢卡古。另外仲有多位球员伤出,除左已经伤左大半季嘅右闸史密斯高文,恩历克波拿斯同岩岩加入伤军名单嘅巴克里都肯定缺席英超首轮。不过胜在有今夏嘅几桩重量级转会搭够,补充实力, 除左以破英格兰门将转会费纪录加盟嘅比克福特,仲有荷兰中场卡拉臣同埋西班牙前锋辛度拉美利斯,再加上有经验丰富嘅朗尼带领,来季爱华顿嘅表现喺值得期待。

史笃城食老本难有作为

而史笃城方面,上季帮佢地入最多波嘅竟然喺37岁嘅高治,可见球队倾向依赖高龄球员,季前佢的再买入另一位老将费查,不禁令人怀疑球队嘅野心,连上季主力阿拿奥杜域都冇眼睇离队另谋高就,新赛季流流长仲要维持以往英超中游班实力,冇可能再靠食老本。

状态方面,爱华顿岩岩喺欧霸外围赛战「见真章」,两回合皆赢路梳比洛晋级,可见新阵容磨合得有板有眼,实力有保证,再加上有主场优势同朗尼效应,主胜捧得过。