日乙:鲸鱼松本山雅大激斗
日乙:鲸鱼松本山雅大激斗日期:2017-8-12 15:20:30
日乙周六独脚戏,名古屋鲸鱼主场迎战松本山雅。鲸鱼上仗大开杀戒,主场以7比4大胜FC爱媛,进攻信心全面回升,遇上近7仗有6仗总入球开3球或以上嘅松本山雅,中位数2.5球嘅1.83倍入球大冇走鸡。

日乙入球王唔识守

名古屋鲸鱼系今季日乙入球王,连同上仗7比4大炒FC爱媛,今季26场联赛已轰入45球,排日乙第一,不过佢的上仗单喺下半场已失左4球畀FC爱媛,亦充分反映呢队波后防有几脆弱。鲸鱼今季联赛至今失左39球,而且8号仔施萨华盛顿坐波监,进一步削弱中场扫荡力,后防将会更加牙烟。

松本山雅联赛加盃赛近7仗取得5胜2负,2仗败仗对手分别系主场特醒嘅湘南比马及长崎成功丸,表现唔算太差;松本喺呢7场波入面只有1仗交白卷,其馀6仗加埋入左14球,6仗总入球皆在3球或以上,今次作客鲸鱼唔会死守,两军有望合演入球骚,中位数2.5球嘅大盘捧得过。