英超:喜鹊迎热刺捱细界
英超:喜鹊迎热刺捱细界 日期:2017-8-13 13:47:34
重返英超唔想甩拖

今晚早场由重返英超嘅纽卡素于主场圣占士公园对上季「2哥」热刺。「喜鹊」开咧就要打硬仗,主场唔想甩拖必死守抢分;热刺今夏冇羊重点收购,原有班底畀人睇通晒,中位数2.5球嘅1.9倍细盘值捧!

纽卡素阔别1年后重返英超,功臣当然系领队宾尼迪斯,但班主艾殊利就继续同球迷作对。艾殊利出晒名「孤寒」,早前升班后曾承诺全力增兵,但最近就「转軚」,话冇能力同其他豪门「拗手瓜」,宁愿「闩水喉」,搞到「肥宾」买人窒住窒住。纽卡素今夏新援包括两位西班牙新仔米基尔马连奴同查维文基路,冇名气冇身价,今季想留低,睇怕宾尼迪斯要用尽毕生绝学。

热刺原班人脚易被睇通

热刺喺转会市场亦有出冇入,领队普捷天奴继续沿用上两季砌落嘅班底,但容易畀对手睇通。睇番往绩热刺过往4季开咧战都甚少开大,今仗遇上一心死守抢分嘅「喜鹊」,热刺想入波唔系咁易。