德甲:往绩赢晒 拜仁让主禾味
德甲:往绩赢晒 拜仁让主禾味日期:2017-9-22 12:37:14
周五深夜德甲优先场,立即有好戏码,拜仁慕尼黑主场迎战禾夫斯堡,虽然拜仁今季开局唔多顺,但已经愈嚟愈上力,连续3场大胜3球或以上,加上新兵占士洛迪古斯亦开始融入球队,佢喺周中快车入波兼助攻,表现抢镜,预料呢支班霸嘅火力将进一步上升,拜仁今场让两球,让球主胜有2.15倍相当吸引。

由于拜仁慕尼黑将于下周中出战欧联斗巴黎圣日耳门,所以提前于今晚踢联赛,赛程上唔会太紧迫,教练安察洛堤可以比较放心畀球员去尽争胜,希望尽快入多几球,奠定胜局,以免夜长梦多。事实上,拜仁一向食住禾夫斯堡,双方近6次交锋,拜仁取得全胜,包括上季作客大炒禾堡6比0,而近6次主场斗禾堡亦都赢晒,其中3次仲大胜4球或以上,拜仁慕尼黑今场让两球,并唔过分。

禾堡低迷 新帅有排执

禾夫斯堡近年不断流失主力,导致成绩一直低迷,上季靠踢护级附加赛,先至保住德甲席位。今季表现仍然不济,上周不敌史特加之后,会方炒左教练锺加,改由前缅恩斯主帅舒密特接手领军,但都系冇乜起色,周中主场仅同尾二嘅云达不来梅打和1比1。舒密特仲要时间重新调整队波,偏偏今场就遇上劲旅拜仁慕尼黑,真系凶多吉少。