友谊赛:比利时战将争位大搏杀
友谊赛:比利时战将争位大搏杀日期:2018-6-2 15:42:59
今晚爆发重量级国际热身赛,「欧洲红魔」比利时主场火併葡萄牙。比利时仍未定出23人世盃名单,好似中锋宾迪基等一众边缘人,为左争搭尾班车一定搏甩髀,葡军上仗拍跳出丑,谷埋成肚火唔会死守,今场实多波入,大盘咪错过。

比利时之前公布左初选28人名单,即系话仲要剔走5人,先至落实出征世盃嘅23人名单。因此主帅马天尼斯一定会借热身赛嘅机会,考察一众边缘人,好似今季表现麻麻嘅中锋宾迪基、好番冇耐嘅前锋巴舒亚伊、阔别国家队几年嘅翼锋赞奴沙,佢的都自知唔系稳入23人名单,今仗必定趁机争取表现,希望猛车边参加世盃。

葡萄牙想赢但有前冇后

另一边厢,葡萄牙堂堂上届欧国盃盟主,上仗热身赛领先2球之下,竟然畀非洲球队突尼西亚逼和2比2,认真羞家,明显防线唔多稳阵,但要留意,以往冇C朗就唔识入波嘅葡军,上仗轻鬆入2粒,反映由哥利斯马、祖奥马里奥及安达施华组成的攻击线,表现唔曳。而且今仗C朗好大机会继续缺阵,靠晒佢的数胡,上仗大好形势咁都赢唔到,畀球迷插到晕,今仗梗系想赢番攞彩。当然「欧洲红魔」都唔系善男信女,近5仗热身赛狂轰13球,有4仗开3球或以上,预计今仗系斗攻格局,捧入球大更划算。